نائب امیر جماعت اسلامی عبد الغفار عزیز انتقال کر گئے
05 اکتوبر ، 2020
جماعت اسلامی کے مرکزی نائب امیر عبد الغفار عزیز لاہور میں انتقال کر گئے۔
ترجمان جماعتِ اسلامی قیصر شریف کے مطابق عبد الغفار عزیز ایک سال سے کینسر کے مرض میں مبتلا تھے اور وہ آج اس دنیائے فانی سے کوچ کر گئے ہیں۔
عبدالغفار عزیز کی نماز جنازہ بعد نماز ظہر جماعت اسلامی کے مرکز منصورہ لاہور میں ادا کی جائے گی۔
1962 میں پیدا ہونے والے عبدالغفار عزیز نے پسماندگان میں بیوہ، دو بیٹے اور دو بیٹیاں چھوڑی ہیں۔
امیر جماعت اسلامی سینیٹر سراج الحق اور سیکرٹری جنرل امیر العظیم نے نائب امیر جماعت اسلامی کے انتقال پر گہرے دکھ اور رنج کا اظہار کیا اور ان کے گھر جا کر بیٹوں سے تعزیت کی۔
