05 اکتوبر ، 2020 
پی ڈی ایم کے پہلے جلسے کی نئی تاریخ پر بھی پیپلزپارٹی کے تحفظات
05 اکتوبر ، 2020
اسلام آباد: اپوزیشن اتحاد پاکستان ڈیموکریٹک موومنٹ کے پہلے جلسےکی نئی تاریخ پرپیپلزپارٹی نے تحفظات کا اظہار کردیا۔
ذرائع کے مطابق پیپلزپارٹی ہر سال 18 اکتوبرکو یوم شہدائے کارساز کراچی مناتی ہے اور اس روز پی پی نے کراچی میں جلسہ کرنے کا فیصلہ کیا ہے جس کے باعث پی ڈی ایم کے کوئٹہ کے جلسے کی تاریخ پر تحفظات کا اظہار کیا گیا ہے۔
پاکستان ڈیموکریٹک موومنٹ کی اسٹیرنگ کمیٹی نے جلسہ 11 اکتوبر کو کرنے کا اعلان کیا تھا لیکن جے یو آئی اور پی کے میپ نے اپنے طور پر جلسہ 18 اکتوبر تک ملتوی کردیا۔
جے یو آئی (ف) کے ذرائع کا کہنا ہےکہ جلسے کی تاریخ میں تبدیلی بدنیتی نہیں بلکہ سب کی سہولت کیلئے تاریخ تبدیل کی ہے، اپوزیشن اتحاد قومی مفاد میں ہے، اسے ہر قیمت پر بچایا اور آگے بڑھایا جائے گا جب کہ امید ہے دیگرمسائل کی طرح یہ معاملہ بھی آج اسٹیرنگ کمیٹی میں حل کرلیا جائے گا۔
