Can't connect right now! retry

کھیل
05 اکتوبر ، 2020

ٹی ٹوئنٹی کرکٹ میں شاہین شاہ آفریدی کا کارنامہ

شاہین آفریدی نے افغانستان کے راشد خان کو پیچھے چھوڑا اور ان کی اِس سال ٹی ٹوئنٹی میچز میں اب تک 33 وکٹیں ہیں— فوٹو: فائل 

نوجوان فاسٹ بولر شاہین شاہ آفریدی شاندار کارکردگی کا مظاہرہ کرتے ہوئے رواں سال سب سے زیادہ ٹی ٹوئنٹی وکٹیں حاصل کرنے والے بولرز میں پہلی پوزیشن پر آگئے۔

20 سالہ شاہین آفریدی نے ملتان میں جاری قومی ٹی ٹوئنٹی چیمپئن شپ میں اپنی ٹیم خیبرپختونخوا کی نمائندگی کرتے ہوئے سندھ کے خلاف میچ میں پانچ وکٹیں حاصل کیں جس کے ساتھ رواں سال میں ان کی مجموعی وکٹوں کی تعداد 36 ہوگئی۔

شاہین آفریدی نے افغانستان کے راشد خان کو پیچھے چھوڑا جن کی اِس سال ٹی ٹوئنٹی میچز میں اب تک 33 وکٹیں ہیں۔ 

پاکستان کے شاداب خان اور حارث رؤف 31، 31 وکٹوں کے ساتھ مجموعی طور پر تیسرے نمبر پر ہیں۔

دوسری جانب شاہین شاہ آفریدی نے ٹی ٹوئنٹی کرکٹ میں آج چوتھی مرتبہ ایک اننگز میں 5 وکٹیں حاصل کیں۔

سری لنکا کے لاستھ ملنگا نے کیریئر میں 5 مرتبہ فائیو وکٹ ہال حاصل کیا جب کہ شکیب الحسن اور ڈیوڈ ویزے بھی 4، 4 بار ٹی ٹوئنٹی کی ایک اننگز میں پانچ وکٹیں لے چکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM