12 اکتوبر ، 2020
گلابی اور ارغوانی شعاعیں بکھیرتا روس کا نایاب ہیرا نیلامی کے لیے تیار ہے۔
آئندہ ماہ 11نومبرکو سوئٹزر لینڈ کے شہر جنیوا میں ہونے والی نیلامی میں بیش قیمت ہیرےکی قیمت 6 ارب 22 کروڑ روپے سے زیادہ ملنے کی توقع کی جارہی ہے۔
اس نایاب گلابی، ارغوانی ہیرے کو ہانگ کانگ میں نمائش کے لیے پیش کردیاگیا ہے اور جنیوا میں نیلامی سے قبل سنگاپور اور تائی پے میں بھی اس کی نمائش کی جائے گی۔
نیلامی کمپنی کے مطابق روس کی کان سے نکالا گیا 14.83 قیراط کا یہ نایاب ہیرا اپنی قسم کا اب تک ملنے والا سب سے بڑا ہیرا ہے۔
ماہرین کے مطابق گلابی ہیرے پہلے ہی نایاب ہیں اور اب تک ملنے والے گلابی ہیروں میں سے صرف ایک فیصد ہیروں کا وزن ہی 10 قیراط تک پایا گیا ہے۔