17 اکتوبر ، 2020 
بلیک لسٹ میں شامل 5800 سے زائد افراد کے نام نکالنے کا فیصلہ
17 اکتوبر ، 2020
وزارت داخلہ نے بلیک لسٹ میں شامل 5800 سے زائد افراد کے نام نکالنے کا فیصلہ کیا ہے۔
وزارت داخلہ کے مطابق بلیک لسٹ میں مجموعی طور پر 42 ہزار 725 افراد موجود ہیں اور جائزہ کمیٹی نے بلیک لسٹ کی کیٹیگری بی میں شامل 5 ہزار 807 افراد کے نام نکالنے کی سفارش کی تھی۔
وزارت داخلہ کے مطابق بلیک لسٹ بلیک لسٹ سے افراد کو نکالنے کا فیصلہ تمام محکموں کی مشاورت سے کیا گیا ہے، جائزہ کمیٹی کا اجلاس 4 سال کی تاخیر سے وزیر داخلہ کے نوٹس لینے کے بعد ہوا۔
دوسری جانب وزیر داخلہ اعجاز شاہ نے پاسپورٹ اینڈ امیگریشن ڈائریکٹریٹ کو طویل عرصے سے بلیک لسٹ میں شامل افراد کے نام نکالنے کی ہدایت بھی کر دی ہے۔
وزارت داخلہ کا کہنا ہے کہ وزیر داخلہ بریگیڈئیر اعجاز شاہ نے متعلقہ محکمے کو شہریوں کی سہولت کے لیے ہر ممکن اقدامات کرنے اور جائزہ کمیٹی کے سال میں 2 بار باقاعدگی سے کرنے کا بھی کہا ہے۔
