Can't connect right now! retry

گندم اور چینی کا اسٹاک ہونے کے باوجود قیمتیں کم کیوں نہیں ہوئیں؟ وزیراعظم برہم

وزیراعظم نے وزراء کو غفلت برتنے والوں کی نشاندہی کرنے کی ہدایت دیتے ہوئے کہا کہ مہنگائی کے خاتمے کیلئے تمام سرکاری محکمے اپنا اِن پٹ دیں— فوٹو: فائل

وزیراعظم عمران خان نے وفاقی وزراء کو مہنگائی کے خاتمے کو ہی اپنا مشن بنانے کی ہدایت کی ہے۔

وزیراعظم کی زیر صدارت ہونے والے وفاقی کابینہ کے اجلاس میں مہنگائی پر کھل کر بحث کی گئی۔

ذرائع کا بتانا ہے کہ وزراء کی اکثریت نے اشیائے ضروریہ مہنگی ہونے پر تحفظات اور تشویش سے آگاہ کیا جب کہ وزیراعظم نے بھی چینی اور آٹے کی قیمتیں کنٹرول نہ ہونے پر برہمی کا اظہار کیا۔

ذرائع کے مطابق وزیراعظم عمران خان کا کہنا تھا گندم وافر مقدار میں ہے تو آٹے کی قیمتیں کم کیوں نہیں ہو رہیں؟

ذرائع کا کہنا ہے کہ وزیراعظم نے کابینہ اراکین سے پوچھا کہ چینی کا اسٹاک موجود ہونے کی رپورٹس کے باوجود قیمت کم کیوں نہیں ہیں؟

ذرائع کے مطابق وزیراعظم نے وزراء کو غفلت برتنے والوں کی نشاندہی کرنے کی ہدایت دیتے ہوئے کہا کہ مہنگائی کے خاتمے کے لیے تمام سرکاری محکمے اپنا ان پٹ دیں۔

ندیم افضل چن کا چینی سستی کرنے کا فارمولا دینے کی پیشکش

ذرائع کا بتانا ہے کہ کابینہ اجلاس میں وزیراعظم کے معاون خصوصی ندیم افضل چن نے چینی سستی کرنے کا فارمولا دینے کی پیشکش بھی کی۔

ندیم افضل چن کا کہنا تھا کہ گندم بھی سستی ہو سکتی ہے، متعلقہ حکام میرے ساتھ بیٹھ جائیں، دیکھتا ہوں کہ گندم اور چینی کیسے سستی نہیں ہوتی۔

سیاسی خواتین کے حوالے سے بھی محتاط انداز اختیار کی جائے: وزیراعظم کی ہدایت

ذرائع کا کہنا کہ اجلاس میں اپوزیشن کی طرف سے غیر سیاسی خواتین کو ہدف تنقید بنانے پر بھی بحث ہوئی۔

کابینہ اراکین کا کہنا تھا کہ مشرقی تہذیب میں بھی خواتین کے بارےمیں شائستگی کو برقرار رکھا جاتا ہے۔

اس موقع پر وزیراعظم نے کابینہ اراکین کو سیاسی خواتین کے حوالے سے بھی محتاط انداز اختیار کرنے کی ہدایت کی۔

کورونا پھر پھیل رہا ہے، احیتاط کا دامن نہ چھوڑا جائے: اسد عمر

ذرائع کا بتانا ہے کہ وفاقی کابینہ کو سوات میں پاکستان تحریک انصاف کا جلسے سے بھی آگاہ کیا گیا۔

ذرائع کے مطابق اسد عمر کا کہنا تھا کہ جلسہ ضرور کریں لیکن ایس او پیز پر سمجھوتہ نہیں ہو گا، کورونا پھر پھیل رہا ہے، احیتاط کا دامن نہ چھوڑا جائے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM