شیخوپورہ میں گھریلو ناچاقی، شوہر کی فائرنگ سے 20 سالہ بیوی جاں بحق
23 اکتوبر ، 2020
شیخوپورہ میں گھریلو ناچاقی پر شوہر کی فائرنگ سے بیوی جاں بحق ہو گئی۔
پولیس کے مطابق فیروز والا کی آبادی مغلپورہ میں گھریلو ناچاقی پر جمرود نامی شخص نے 20 سالہ علیمہ پر فائرنگ کی اور گولی لڑکی کے ماتھے پر لگی جس سے وہ موقع پر ہی جاں بحق ہو گئی۔
پولیس کا کہنا ہے کہ ملزم جمرود کی 8 ماہ قبل علیمہ کے ساتھ شادی ہوئی تھی اور دونوں کے درمیان ناچاقی چل رہی تھی۔
پولیس کا بتانا ہے کہ ملزم کے خلاف قتل کے الزام میں مقدمہ درج کر کے تحقیقات کا آغاز کر دیا گیا ہے۔
