Can't connect right now! retry

پاکستان
27 اکتوبر ، 2020

روٹی کی قیمت میں اضافےکیلئے نان بائیوں کی ہڑتال جاری

_فائل فوٹو

کوئٹہ میں روٹی کی قیمتوں میں اضافے کا مطالبہ لیے نان بائیوں کی ہڑتال کئی روز سے جاری ہے۔

تفصیلات کے مطابق کوئٹہ کے نان بائیوں نے روٹی کی قیمتوں میں اضافے کے لیے شہر بھر کے تمام تندور بند کر دیے ہیں، کئی روز سے تندور بند ہونے کے باعث شہری پریشان ہیں جب کہ ہوٹلوں پر 10 روپے میں ملنے والی چپاتی اب 15 روپے میں بھی مشکل سے مل رہی ہے۔

نان بائیوں کا کہنا ہے کہ کوئٹہ میں آٹے کی قیمت میں مزید اضافے کے بعد فائن آٹے کا 20 کلو تھیلا 50 روپے اضافے کے بعد 1300 روپے اور کراچی کے چکی آٹے کا 10 کلو کا تھیلا 790 روپے کا فروخت ہو رہا ہے۔

نان بائیوں کا کہنا ہے کہ آٹے کی قیمتوں میں آئے روز اضافہ ہی روٹی کی قیمتوں میں اضافے کے مطالبے کی وجہ ہے۔

دوسری جانب آٹے کی قیمتوں میں استحکام لانے کے لیے وزیراعلیٰ پنجاب عثمان بزدار بھی پر عزم ہیں اور ان کی ہدایت پر فلور ملوں کو گندم کے کوٹے میں اضافے کا فیصلہ کیا گیا ہے۔

وزیراعلی پنجاب کہتے ہیں کہ پنجاب حکومت روزانہ 25 ہزار ٹن گندم فلور ملوں کو فراہم کرے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM