12 نومبر ، 2020 
پاکستان
پی ڈی ایم بیانیے کی مخالفت: حافظ حسین سے پارٹی عہدہ واپس لے لیا گیا
12 نومبر ، 2020
کوئٹہ: حافظ حسین احمد کو جمعیت علمائے اسلام (ف) کے مرکزی سیکرٹری اطلاعات کے عہدے سے ہٹا دیا گیا۔
جے یو آئی ذرائع کے مطابق اسلم غوری کو حافظ حسین احمد کی جگہ قائم مقام سیکرٹری اطلاعات کی ذمہ داری سونپ دی گئی ہے۔
ذرائع کا بتانا ہے کہ حافظ حسین احمد کو پی ڈی ایم کے بیانیے پر تنقید کرنے پر جے یو آئی کے مرکزی سیکرٹری اطلاعات کے عہدے سے ہٹایا گیا۔
خیال رہے کہ حافظ حسین احمد نے کوئٹہ میں ہونے والے پی ڈی ایم کے جلسے میں اپوزیشن جماعتوں کے بیانیے کو تنقید کا نشانہ بنایا تھا۔
