انٹرٹینمنٹ

بختاور بھٹو منگنی کی تقریب میں کونسا لباس پہنیں گی؟

24 نومبر ، 2020

سابق وزیر اعظم بےنظیر بھٹو اور سابق صدر آصف علی زرداری کی صاحبزادی بختاور بھٹو کی منگنی رواں ماہ کی 27 تاریخ کو کراچی میں ہو گی۔

پیپلز پارٹی کی جانب سے منگنی کے باضابطہ اعلان کے ساتھ ہی جہاں بختاور بھٹو کو مبارکباد کے پیغامات موصول ہو رہے ہیں وہیں منگنی کے روز ان لباس کے حوالے سے معروف فیشن ہاؤس 'ریشم رواج' کی جانب سے ایک پوسٹ بھی سامنے آئی ہے ۔

View this post on Instagram

A post shared by Resham Revaj (@reshamrevaj)

فیشن ہاؤس نے لکھا ہے کہ بختاور بھٹو نے منگنی کے روز ویسا ہی لباس پہنے کی خواہش ظاہر کی ہے جیسا ان کی والدہ بے نظیر بھٹو نے اپنے نکاح پر پہنا تھا۔

ریشم رواج کے آفیشل انسٹاگرام اکاؤنٹ پر نئے لباس اور اس کے ساتھ بے نظیر بھٹو کی تصویر بھی شیئر کی گئی ہے۔

یہ بھی پڑھیں

فیشن ہاؤس نے بختاور کی جانب سے بے نظیر بھٹو کے نکاح جیسا لباس دوبارہ بنانے کی خواہش کے اظہار پر فخر اور خوشی کا اظہار بھی کیا ہے۔

واضح رہے کہ بختاور بھٹو کی منگنی کے حوالے سے سوشل اور الیکٹرانک میڈیا پر کئی متضاد خبریں سامنے آنے کے بعد پی پی پی کی جانب سے بیان بھی جاری کیا جاچکا ہے۔

جاری بیان میں بختاور بھٹو زرداری کی منگنی 27 نومبر کو محمود چوہدری کے ساتھ ہونے کی تصدیق کی گئی اور کہا گیا کہ محمود چوہدری لاہور کے پرانے قصبے سے تعلق رکھنے والے محمد یونس اور بیگم ثریا محمود کے صاحبزادے ہیں۔

مزید کہا گیا کہ محمد یونس نے 1973 میں متحدہ عرب امارات ہجرت کی اور کڑی محنت سے کنسٹرکشن اور ٹرانسپورٹ بزنس کھڑا کیا۔ پانچ بہن بھائیوں میں سب سے چھوٹے محمود چوہدری 28 جولائی 1988 کو ابو ظہبی میں پیدا ہوئے۔