25 نومبر ، 2020 
کیا عروہ حسین اور فرحان سعید نے راہیں جدا کر لیں؟
25 نومبر ، 2020
سوشل میڈیا پر پاکستان شوبز انڈسٹری کی مقبول جوڑی اداکارہ عروہ حسین اور گلوکار فرحان سعید کی علیحدگی سے متعلق خبریں گردش کر رہی ہیں۔
سوشل میڈیا پر متعدد پیجز پر یہ دعویٰ کیا جا رہا ہے کہ عروہ حسین اور فرحان سعید نے شادی کے 4 سال بعد باہمی رضامندی سے علیحدگی کا فیصلہ کیا ہے۔
فرحان سعید اور عروہ حسین کی علیحدگی سے متعلق خبر سوشل میڈیا پر آگ کی طرح پھیل رہی ہے اور ان کے مداحوں کی جانب سے تشویش کا اظہار کیا جا رہا ہے۔
دوسری جانب اداکارہ عروہ حسین اور فرحان سعید کی جانب سے کوئی بیان جاری نہیں کیا گیا ہے کہ آیا اس خبر میں کوئی صداقت ہے یا نہیں۔
اداکار جوڑی کے مداحوں کو بس اب ان کے حتمی بیان کا انتظار ہے کیونکہ وہ اس بات پر یقین کرنے سے انکار کر رہے ہیں۔
خیال رہے کہ 2016 میں اداکارہ عروہ حسین کو گلوکار فرحان سعید نے پیرس میں پرپوز کیا تھا جس کے بعد انہوں نے بادشاہی مسجد میں نکاح کیا تھا۔
فرحان اور عروہ حسین کی شادی سوشل میڈیا پر ٹاپ ٹرینڈ رہی تھی اور ان کی جوڑی شوبز کی مقبول ترین جوڑیوں میں سے ایک ہے۔
واضح رہے کہ رواں سال شوبز کی مقبول جوڑی سائرہ اور شہروز، آمنہ شیخ اور محب مرزا کے درمیان بھی علیحدگی ہو چکی ہے۔
مزید خبریں :
اداکارہ پونم پانڈے کے ساتھ مداح کی سرعام نازیبا حرکت
9 گھنٹے پہلے
فلم ’دیوداس‘ کو لے کر سنجے لیلا اور کرینہ میں کیا تنازع ہوا تھا؟
21 فروری ، 2025
فلم ’دیوداس‘ کو لے کر سنجے لیلا اور کرینہ میں کیا تنازع ہوا تھا؟
21 فروری ، 2025
اداکار احمد علی اکبر شادی کے بندھن میں بندھ گئے، تصاویر جاری
21 فروری ، 2025
