30 نومبر ، 2020
دوسرے ون ڈے انٹرنیشنل میچ میں بھارت اور آسٹریلیا کے درمیان مقابلے میں بھارت میچ تو نہ جیت سکا لیکن بھارتی لڑکے نے آسٹریلوی لڑکی کا دل ضرور جیت لیا۔
سڈنی میں بھارت اور آسٹریلیا کے میچ کے دوران ایک دلچسپ لمحہ دیکھنے میں آیا جب بھارتی کرکٹ کو سپورٹ کرنے کے لیے آنے والے نیلی جرسی میں ملبوس شخص نے گھٹنوں پر بیٹھ کر آسٹریلیا کی حمایت کرنے والی لڑکی کو شادی کی پیشکش کی۔
اسٹیڈیم میں بے شمار لوگوں کے سامنے گھٹنوں پر بیٹھ کر جب بھارتی لڑکے نے آسٹریلوی لڑکی کو شادی کی پیشکش کی تو وہ بھی منع نہ کر پائی اور اس نے فوراً ہاں کردی۔
دوران میچ اس دلچسپ منظر کو کیمرے کی آنکھ نے محفوظ کر لیا جس میں دیکھا جاسکتا ہے کہ بھارتی شخص نے آسٹریلوی لڑکی کو انگوٹھی پہنائی۔
بعد ازاں اس منظر کو صارفین نے سوشل میڈیا پر شیئر کیا جو دیکھتے ہی دیکھتے وائرل ہو گیا اور صارفین کی جانب سے دلچسپ تبصروں کا تانتا بندھ گیا۔
کارتک نامی صارف نے کہا کہ 'اصلی میچ تو یہ کھیل گیا'۔
شھبھام کہتے ہیں کہ 'مل گیا گرین کارڈ آسٹریلیا کے بھائی کو'۔
ایک صارف نے کہا کہ 'یہ مین آف دی میچ ہے'۔