09 دسمبر ، 2020 
ہانیہ عامر سوشل میڈیا پر ٹرولنگ کرنیوالوں کیخلاف بول پڑیں
09 دسمبر ، 2020
سوشل میڈیا پر شوبز شخصیات کو ٹرولنگ اور نازیبا کمنٹس کا بے حد سامنا کرنا پڑتا ہے اور اس حوالے سے متعدد اداکار اور اداکارائیں بات کر چکی ہیں۔
اب اداکارہ ہانیہ عامر سوشل میڈیا پر ٹرولنگ اور نازیبا کمنٹس کرنے والوں کے خلاف بول پڑیں اور اس حوالے سے انہوں نے ایک پوسٹ شیئر کی۔
ہانیہ عامر نے اپنے انسٹاگرام اکاؤنٹ پر ایک پوسٹ شیئر کی جس کے کیپشن میں انہوں نے لکھا کہ 'یہ میں ہوں جو 3 مطلبی کمنٹس پڑھنے کے بعد دو آنسو بہا کر اپنے آپ کو سنبھالنے کی کوشش کر رہی تھی'۔
ہانیہ عامر نے کہا کہ 'الفاظ طاقتور ہوتے ہیں، یہ کسی کو سنوار یا تباہ کر سکتے ہیں، جب ہم ان الفاظ سے ایک دوسرے کو خوش کر سکتے ہیں تو ہم کیوں انہوں دوسروں کو نیچا دکھانے کے لیے استعمال کر رہے ہیں؟'
انہوں نے مزید کہا کہ 'مطلبی ہونا کمزوری، خود کا خوف اور عدم تحفظ ہے جب کہ رحم دل ہونا خوبصورتی ہے، یہ ایک طاقت ہے'۔
آخر میں ہانیہ عامر نے کہا کہ ‘چلیں سب ایک ساتھ خوبصورت اور طاقتور بنتے ہیں اور اپنے الفاظ کو دانشمندی سے استعمال کریں‘۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
