16 دسمبر ، 2020
انسانوں کو اپنی چیزوں سے بے حد محبت ہوتی ہے اور ایسے ہی ایک نوجوان لڑکی کو اپنے بریف کیس سے اس قدر محبت ہو گئی کہ اس نے بریف کیس سے شادی کرنے کا فیصلہ کیا۔
24 سالہ روسی شہری کو اپنے 'گائڈن' نامی بریف کیس سے اس قدر محبت تھی کہ اسں نے اپنی ساری زندگی اس بریف کیس کے ساتھ ہی گزارنے کا فیصلہ کیا۔
لڑکی نے بتایا کہ چند سال قبل وہ اپنے فوٹو شوٹ میں استعمال کرنے کے لیے پروپس کی خریداری کے لیے ایک ہارڈ ویئر اسٹور پر گئی تھی جہاں وہ 'گائڈن' یعنی کہ بریف کیس کو خریدنے سے رک نہ سکی۔
رین نامی لڑکی نے کہا کہ وہ نرسری اسکول ٹیچر ہے اور اسے بے جان چیزوں سے الگ ہی لگاؤ ہے، یہی وجہ ہے کہ اس نے ایک بریف کیس سے شادی کر لی۔
لڑکی نے بتایا کہ وہ 'گائڈن' (بریف کیس) کی محبت میں بری طرح گرفتار ہے لیکن لوگ اس کے جذبات کو نہیں سمجھ سکتے۔
رین نے گائڈن کے ساتھ جون میں شادی کی تھی اور اس تقریب میں اپنے قریبی دوست اور رفقاء کو بھی بلایا تھا۔