16 دسمبر ، 2020 
دوست کی بیوی سے زیادتی کرنیوالا بھارتی فوج کا کرنل گرفتار
16 دسمبر ، 2020
دوست کی بیوی کو زیادتی کا نشانہ بنانے والے بھارتی فوج کے کرنل کو گرفتار کرلیا گیا۔
بھارتی میڈیا کے مطابق کرنل نیرج پر الزام ہے کہ اس نے اپنے سویلین دوست کو آفیسر میس میں بلاکر نشہ آور چیز پلائی جس کے بعد اس کی روسی نژاد بیوی کو زیادتی کا نشانہ بنایا۔
مقامی پولیس کے مطابق واقعہ چند روز قبل پیش آیا جس کے بعد کرنل نیرج گرفتاری سے بچنے کی کوشش کرتا رہا اور اس دوران فرار ہوتے ہوئے پکڑا گیا۔
پولیس کا کہنا ہے کہ کرنل نیرج کی گرفتاری کے لیے ایک ٹیم تشکیل دی گئی تھی جس نے ملزم کی موبائل لوکیشن کو ٹریس کیا اور ملزم کی گرفتاری کے لیے پہنچی تو اس نے اندر سے دروازہ بند کرلیا البتہ پولیس کی ٹیم نے تھوڑی سی مزاحمت کے بعد اسے گرفتار کرلیا۔
پولیس کے مطابق واقعہ اتوار کے روز پیش آیا جس میں متاثرہ خاتون کے شوہر نے کرنل کے خلاف مقدمہ درج کرایا جس میں بتایا گیا ہےکہ کرنل نیرج نے اسے اور اہلیہ کو آفیسر میس میں مدعو کیا تھا جہاں اس نے خاتون کے شوہر کو نشہ آور مشروب پلایا جس سے وہ بے ہوش ہوگیا۔
پولیس کا کہنا ہےکہ کرنل نیرج نے شوہر کے بے ہوش ہونے کے بعد خاتون سے زیادتی کی جب کہ مزاحمت پر اس نے خاتون کو تشدد کا نشانہ بھی بنایا۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
