16 دسمبر ، 2020
قومی ٹیم کے سابق کپتان شاہد آفریدی کو اللہ تعالیٰ نے 5 بیٹیوں سے نوازا ہے جن سے وہ بے پناہ محبت کرتے ہیں اور اکثر سوشل میڈیا پر اس کا اظہار بھی کرتے ہیں۔
حال ہی میں شاہد آفریدی نے اپنے انسٹاگرام اکاؤنٹ پر اپنی بڑی بیٹی اقصیٰ کی تصویر شیئر کی ہے جس میں وہ انہیں پیار کرتے نظر آرہے ہیں۔
شاہد آفریدی نے ساتھ ہی اپنی بیٹی اقصیٰ کو 19ویں سالگرہ کی مبارک باد دیتے ہوئے کہا ہےکہ میری سب سے پیاری بیٹی کے لیے ڈھیر ساری دعائیں اور پیار ۔
سابق کپتان نے اپنی بیٹی کی سالگرہ کے کیک کی تصویر بھی مداحوں سے شیئر کی ہے۔
مداحوں کی جانب سے بھی ان کی بیٹی کو سالگرہ کی مبارک باد کے ساتھ دعاؤں اور نیک تمناؤں کا اظہارکیاگیا ہے۔