کورونا کے باعث برطانیہ میں شپنگ بحران، کنٹینرز کی 32 کلومیٹر طویل قطاریں
19 دسمبر ، 2020
عالمی وبا کورونا کے باعث برطانوی بندرگاہ ڈوور پر شپنگ بحران پیدا ہو گیا اور کنٹینرز کی 32 کلومیٹر طویل قطاریں لگ گئیں۔
سامان سے بھرے کنٹینرز کی طویل قطاروں کے باعث شدید ٹریفک جام ہو گیا جبکہ خوراک اور کرسمس تحائف سے لدے ہزاروں کنٹینرز بھی پھنس گئے۔
کرسمس کے لیے اگست میں کیے گئے آرڈرز کی تاحال ترسیل نہ ہو سکی، تاخیر کے باعث فی کنٹینر لوڈ کی قیمت میں چار گنا اضافہ ہو گیا۔
خیال رہے کہ برطانیہ میں کورونا کے باعث اب تک 19 لاکھ 77 ہزار سے زائد افراد کورونا سے متاثر اور 66 ہزار 541 افراد جان کی بازی ہار چکے ہیں۔
