کمسن بیٹی کو جسم فروشی پر لگانے والی ماں کے خلاف مقدمہ درج
19 دسمبر ، 2020
لاہور کے علاقے جوہر ٹاؤن میں پولیس نے کمسن بیٹی کو مبینہ طورپر جسم فروشی پر لگانے والی ماں کے خلاف مقدمہ درج کر لیا اور گرفتاری کے لیے چھاپے مارنا شروع کردیے۔
جوہر ٹاؤن پولیس کے مطابق مقدمہ متاثرہ بچی کی دادی کی مدعیت میں درج کیا گیا۔
ایف آئی آر کے مطابق پیسوں کے لالچ میں ماں نے 12 سالہ بیٹی کو جسم فروشی پر لگایا۔
پولیس کا کہنا ہے کہ بچی ماں کے ظلم سے تنگ آکر دادی کے گھر رہائش پذیر تھی، باپ کی وفات کے بعد اس کی ماں نے دوسری شادی کرلی تھی ، ملزمہ کی تلاش جاری ہے۔
