21 دسمبر ، 2020 
ناروے نے بھی برطانیہ سے آنے والی پروازوں پر پابندی لگادی
21 دسمبر ، 2020
دیگر یورپی ممالک کے بعد ناروے نے بھی برطانیہ سے آنے والی پروازوں پر فوری پابندی عائد کردی ہے۔
نارویجیئن وزیر صحت کے مطابق یہ پابندی برطانیہ میں کورونا وائرس کی نئی قسم کی شناخت ہونے پر لگائی گئی ہے اور فوری طور پر یہ پابندی 48 گھنٹوں تک رہے گی۔
خیال رہےکہ برطانیہ میں کورونا وائرس کی نئی قسم کی موجودگی کا انکشاف ہوا ہے اور یہ قسم تیزی سے پھیلنے کی صلاحیت رکھتی ہے جس کے باعث برطانیہ میں کورونا کے نئے کیسز میں تیزی سے اضافہ ہو رہا ہے۔
برطانوی حکومت نے نئی لہر کے بعد لاک ڈاؤن کے چوتھے درجے کی پابندیاں متعارف کرادی ہیں اور متاثرہ علاقوں کے شہریوں کو علاقہ چھوڑنے پر بھی پابندی لگائی گئی ہے۔
یورپی ممالک نیدرلینڈز، بیلجیم ،آسٹریا اورجرمنی نے بھی برطانیہ پر سفری پابندیاں عائد کرتے ہوئے تمام پروازیں روک دی ہیں اور ان کے علاوہ دیگر ممالک بھی ایسے اقدام پر غور کررہے ہیں۔
مزید خبریں :
غزہ پر اسرائیلی بمباری سے مزید 38 فلسطینی شہید
1 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
