نیمل خاور کا بہن کی مہندی پر سرخ لہنگے میں رقص

پاکستان شوبز انڈسٹری سے کنارہ کشی کرنے والی سابقہ اداکارہ نیمل خاور کی بہن فضا خاور کی شادی کی تقریبات کا سلسلہ جاری ہے۔

مایوں اور ڈھولکی کے بعد گزشتہ روز نیمل کی بہن فضا خاور کی مہندی کی تقریب ہوئی جس میں نیمل نے خوبصورت لال رنگ کا لہنگا زیب تن کیا۔

سوشل میڈیا پر وائرل تصاویر اور ویڈیو میں نیمل خاور کو بہن کے ہمراہ خوبصورت لال اور ہلکے سبز رنگ کے لہنگے میں رقص کرتے دیکھا جاسکتا ہے۔

 بہن کی شادی پر نیمل ہر تقریب میں اپنائے دلکش انداز اور خوبصورت ملبوسات سے مداحوں کو مبہوت کرتی نظر آرہی ہیں۔

سوشل میڈیا صارفین کی جانب سے بھی ان کی تصاویر اور ویڈیوز کو بے حد پسند کیا گیا ۔

اس سے قبل نیمل خاور نے اپنے انسٹاگرام اکاؤنٹ پر فضا خاور کی مایوں کی تصاویر شیئر کی تھیں۔