معروف بھارتی موسیقار اے آر رحمان کی والدہ انتقال کر گئیں

بھارت کے معروف موسیقار و گلوکار اللہ رکھا رحمان کی والدہ کریمہ بیگم انتقال کرگئیں۔

آسکر ایوارڈ حاصل کرنے والے بھارت کے معروف موسیقار اے آر رحمان نے متعدد تقریبات میں بتایا ہے کہ ان کے کامیاب کیرئیر کے پیچھے ان کی والدہ کا کردار بہت ہی اہم رہا ہے۔

بھارتی میڈیا رپورٹس کے مطابق اے آر رحمان کی والدہ کی تدفین بھارتی ریاست چنائی میں کی جائے گی۔

والدہ کے انتقال کے بعد اے آر رحمان نے اپنے ٹوئٹر اکاؤنٹ پر ان کی ایک تصویر پوسٹ کی جس پر متعدد بھارتی شخصیات نے اظہار افسوس کرنے کے ساتھ ساتھ تعزیت بھی کی۔