03 جنوری ، 2021 
کپل شرما نے بڑے بڑے ناموں کے ساتھ دی گئی فلموں کی آفرز ٹھکرادیں
03 جنوری ، 2021
نامور بھارتی کامیڈین کپل شرما کی جانب سے بھی کئی فلموں میں کام کی پیش کش ٹھکرانے کاا نکشاف ہوا ہے۔
کپل شرما کا’دی کپل شرما شو‘ مشہور کامیڈی شو ہے جو دنیا بھر میں مقبول ہے۔ کپل شرما اسٹیج شو کے علاوہ فلموں میں بھی اداکاری کرچکے ہیں اور ان کی ان تک دو فلمیں ریلیز ہوئی ہیں۔
کپل شرما کے حوالے سے انیل کپور نے انکشاف کیا ہے کہ کئی بالی وڈ فلموں میں اداکاری کی پیش کشں ٹھکرا چکے ہیں۔
کامیڈین کپل شرما نے شو کا ایک کلپ شیئر کیا ہے جس میں انیل کپور ان کے اتھ ہیں۔
انیل کپور شو کے دوران کپل سے سوال کرتے ہیں کہ کتنی فلمیں آپ کو آفر کیں لیکن آپ منع کردیتے ہیں، کیوں ایسا کرتے ہیں؟
اس پر کپل نے انیل کپور کا شکریہ ادا کرتے ہوئے جواب دیا کہ انہوں نے مجھے ’24‘ سیریز کیلئے بلایا تھا لیکن اس وقت کامیڈی نیا نیا شروع ہوا تھا جس کے باعث منع کیا۔
اس موقع پر کپل نے بتایا کہ انیل کپور نے ’وہ 7 دن‘ کے ریمیک میں بھی کام کی پیش کش کی تھی جس پر انیل کپور نے بتایا کہ یہی نہیں فلم ’مبارکاں‘ اور ’تیز‘ کی بھی پیش کش کی تھی لیکن یہ منع کرتے ر ہے۔
خیال رہے کہ کپل شرما نے فلم ’کس کس کو پیار کروں‘ سے ڈیبیو کیا اور یہ فلم کامیاب رہی تاہم ان کی دوسری فلم ’فرنگی‘ باکس آفس پر بزنس کرنے میں ناکام ہوئی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
