اداکارہ کنزا ہاشمی کی 'لیک ویڈیو' جاری

پاکستانی ڈرامہ انڈسٹری کی اداکارہ کنزا ہاشمی کی نئی مختصر فلم 'لیک ویڈیو' جاری کر دی گئی ہے۔

اداکارہ کنزا ہاشمی کی نئی مختصر فلم 'لیک ویڈیو' کی ہدایت کاری عابص رضا نے دی ہے جب کہ اس مختصر فلم کی کہانی ایک سماجی مسئلے کے گرد گھومتی ہے۔

مختصر فلم 'لیک ویڈیو' کا دورانیہ 13 منٹ اور 20 سیکنڈز پر مبنی ہے جس میں ایک ایسی لڑکی کو دکھایا گیا ہے جس سے اس کا منگیتر غیر اخلاقی تصاویر کا مطالبہ کرتا ہے۔

اس مختصر فلم کے حوالے سے کنزا ہاشمی نے اپنے انسٹاگرام اکاؤنٹ پر ایک پوسٹ بھی شیئر کی ہے۔

کنزا ہاشمی نے اپنی پوسٹ میں لکھا کہ 'مختصر فلم لیک ویڈیو دیکھیں، جسے دیکھنے کے بعد آپ سوشل میڈیا پر کچھ بھی پوسٹ کرنے سے پہلے دو بار ضرور سوچیں گے'۔

اداکارہ کنزا ہاشمی کی مختصر فلم 'لیک ویڈیو' کو یوٹیوب پر ایک لاکھ سے زائد بار دیکھا گیا ہے۔