احمد فراز کے یوم پیدائش کے موقع پر شبلی فراز کی جانب سے قبر پر فاتحہ خوانی

آج معروف شاعر احمد فراز کی 90 ویں سالگرہ منائی جارہی ہے۔

احمد فراز کے یوم پیدائش کے موقع پر ان کے بیٹے اور وفاقی وزیر اطلاعات سینیٹر شبلی فراز نے اسلام آباد میں ان کی قبر پر جاکر فاتح خوانی کی۔

 خیال رہے کہ 12 جنوری 1931 کو کوہاٹ میں پیدا ہونے والے شاعر احمد فراز کا شمار برصغیر پاک و ہند کے معروف اور مقبول ترین شعراء میں ہوتا ہے۔

انہوں نے اپنی شاعری میں رومانویت کے اظہار کے علاوہ ظلم و جبر اور جمہوریت کے لیے بھی آواز بلند کی۔

احمد فراز 25 اگست 2008 کو اسلام آباد میں انتقال کرگئے اور اسلام آباد میں ہی آسودہ خاک ہیں۔