13 جنوری ، 2021
کراچی کے علاقے ابراہیم حیدری میں ٹک ٹاک ویڈیو بنانے کا جنون نوجوان کو موت اور زندگی کی کشمکش میں ڈال گیا۔
پولیس کے مطابق ابراہیم حیدری میں ٹک ٹاک بناتے ہوئےگولی لگنے سے نوجوان زخمی ہوگیا جسے تشویشناک حالت میں جناح اسپتال منتقل کیا گیا ہے۔
پولیس نے بتایا کہ واقعہ ابراہیم حیدری کے علاقے عمر کالونی میں پیش آیا جہاں دوس دوست اسلحہ کے ساتھ ٹک ٹاک بنارہےتھےکہ گولی چل گئی۔
پولیس کے مطابق ٹک ٹاک بنانے کے دوران ایک دوست سے گولی چل گئی اور وہ پستول سمیت فرار ہوگیا۔
پولیس کا کہنا ہے کہ فرار ملزم کی تلاش جاری ہے۔