15 جنوری ، 2021
بالی وڈ میگا اسٹار امیتابھ بچن نے مداحوں کو اہم نصیحت کی ہے۔
امیتابھ بچن سوشل میڈیا پر کافی متحرک ہیں اور گاہے بگاہے ٹوئٹر پر اپنے خیالات کا اظہار کرتے رہتے ہیں۔
کئی بار اپنے بیانات کے باعث میگا اسٹار خبروں میں بھی رہے ہیں تاہم ایک بار پھر انہوں نے ایسی ٹوئٹ کردی ہے۔
ایک مداح نے ٹوئٹ کی کہ اگر دنیا اعتبار پر چلتی تو کسی کے دروازے پر تالے نہ ہوتے۔
اس پر میگا اسٹار نے جواب نے دیا کہ ایسے دن ہم نے دیکھے ہیں، ہم اپنے گھر میں کبھی بھی تالا نہیں لگاتے تھے اور گھر کا دروازہ کبھی بھی بند ہوتے نہیں دیکھا، وہ ہمیشہ کھلا ہی رہتا تھا۔
انہوں نے کہا کہ اب ایسا نہیں ہوسکتا، آج کل کہتے ہیں کہ زبان پر بھی تالے لگا کر رکھیں۔
مداحوں کی جانب سے میگا اسٹار کی نصیحت کو بے حد پسند کیا جارہا ہے۔