امریکا نے شیاؤمی سمیت متعدد چینی کمپنیوں کو بلیک لسٹ کردیا

ٹرمپ انتظامیہ نےچینی فوج کے ساتھ روابط رکھنے کے الزامات پر 9 چینی کمپنیوں کو بلیک لسٹ کردیا۔

بیجنگ نے اپنے ردعمل میں امریکا پر الزام لگاتے ہوئےکہا ہے کہ وہ بغیر کسی وجہ کے چینی کمپنیوں کیخلاف ریاستی طاقت کا استعمال کررہا ہے۔

امریکی انتظامیہ کے نئے احکامات میں متعدد چینی فرمز کو نشانہ بنایا گیا ہے جن میں چین کی اسٹیٹ آئل کمپنی CNOOC،اسمارٹ فون کمپنی xiaomi اور ٹک ٹاک بھی شامل ہیں۔

چینی اسمارٹ فون کمپنی کی جانب سے الزامات کی تردید کرتے ہوئے بیان جاری کیا گیا ہے کہ ابھی نئے حکم کے ممکنہ نتائج کا جائزہ لیاجارہاہے۔

چینی وزارت خارجہ کے ترجمان نے اپنے بیان میں کہا ہے کہ ٹرمپ انتظامیہ نےریاستی طاقت کا غلط استعمال کیا اور بلاوجہ چینی کمپنیوں کیخلاف بار بار کریک ڈاؤن کیا جارہا ہے جس کی چین سختی سے مخالفت کرتا ہے۔