15 جنوری ، 2021
صوبہ سندھ کے شہر شکارپور میں بھینس چوری کے جھگڑے پر دو گروپوں میں مسلح تصادم کے نتیجے میں 5 افراد جاں بحق ہوگئے۔
پولیس کے مطابق شکار پور کے علاقے نیو امروٹ میں بھینس چوری کے تنازع پر دل اور جونیجو برادریوں میں فائرنگ کا تبادلہ ہوا جس کے باعث 3 افراد موقع پر جاں بحق اور 2 زخمی ہوگئے۔
زخمیوں کو طبی امداد کیلئے اسپتال منتقل کیا گیا جہاں زخموں کی تاب نہ لاتے ہوئے دونوں زخمی دم توڑ گئے۔
واقعے کے خلاف دل برادری نے احتجاجی مظاہرہ بھی کیا۔