Can't connect right now! retry

پاکستان
18 جنوری ، 2021

کراچی: بلڈر سے بھتہ طلب کرنے والا مطلوب ملزم گرفتار

فائل فوٹو

کراچی: پولیس نے بلڈر سے بھتہ طلب کرنے والے مطلوب ملزم کو گرفتار کر کے اسلحہ برآمد کرلیا۔

پولیس کے مطابق گرفتار مبینہ بھتہ خور ایوب نے ایک ماہ قبل ساتھیوں کے ساتھ مل کر یونیورسٹی روڈ پر بلڈر سے بھتہ مانگا تھا، ملزم ساتھیوں کے ساتھ مل کر بھتہ وصولی کے لیے باکڑا ہوٹل اور آٹا چکی پر بھی فائرنگ کر چکا ہے۔

پولیس نے بتایا کہ بلڈر کو بھتے کی پرچی اور  پستول کی گولیاں دینے میں ملوث ملزم کے دو ساتھی اس سے پہلے ہی گرفتار ہوچکے ہیں جن کا تعلق گینگ وار احمد مگسی گروپ سے ہے جب کہ ساتھیوں کی گرفتاری کے بعد ملزم ایوب روپوش ہوگیا تھا۔

پولیس کا کہنا ہے کہ ملزم اقدام قتل، بھتہ خوری اور دیگر سنگین وارداتوں میں ملوث تھا جب کہ ملزم سے مزید تفتیش کی جا رہی ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM