20 جنوری ، 2021
لاہور ائیرپورٹ پر کسٹم حکام نے کارروائی کرکے بیرون ملک سے لائی جانے والی بھاری مقدار میں چاندی پکڑ لی۔
کسٹم کلیکٹر ثاقب وڑائچ کے مطابق لاکھوں روپے مالیت کی چاندی ترکش ائیر لائن کے ذریعے ترکی سے لائی جا رہی تھی۔
ثاقب وڑائچ نے بتایا کہ شک پڑنے پر مسافر کے سامان کی تلاشی لی گئی جس سے بھاری مقدار میں چاندی برآمد کر لی گئی۔
کسٹم حکام کی جانب سے چاندی اسمگل کرنے والے مسافر کو گرفتار کر کے مزید تفتیش کی جا رہی ہے۔