22 جنوری ، 2021 
براڈشیٹ پر بنائی گئی کمیٹی سے عوام مطمئن نہیں، سپریم کورٹ تحقیقات کروائے، سراج الحق
22 جنوری ، 2021
جماعت اسلامی کے امیر سراج الحق نے کہا ہے بجلی کی قیمت میں 15 فیصد اضافہ کر کے صارفین کے گھروں پر بجلی گرا دی گئی۔
انہوں نے کہا کہ حکمرانوں نے آئی ایم ایف اور ورلڈ بینک کے احکامات پر سر تسلیم خم کیا۔
انہوں نے کہا کہ کراچی کی روشنیوں کو واپس لانے کے دعویداروں نے شہری مسائل میں مزید اضافہ کیا،سندھ کے دارالحکومت میں لاکھوں لوگوں کو پینے کا پانی تک میسر نہیں،کراچی کے لیے ڈویلپمنٹ پیکج کا 11سو ارب صرف لفظی جادوگری تک محدود رہا۔
سراج الحق نے کہا کہ براڈشیٹ اسکینڈل پر بنائی گئی کمیٹی پرعوام مطمئن نہیں، سپریم کورٹ تحقیقات کروائے، پی ٹی آئی اور پی ڈی ایم کے ایجنڈے میں اسلامی نظام کا قیام شامل نہیں، ملک میں حکومتیں تو تبدیل ہوتی رہیں لیکن عوام کی حالت نہیں بدلی۔
