26 جنوری ، 2021 
کیا شردھا کپور سلیبرٹی فوٹوگرافر سے شادی کررہی ہیں؟
26 جنوری ، 2021
بالی وڈ کے کامیاب اداکار ورون دھون رواں ہفتے اپنی بچپن کی دوست نتاشہ دلال کے ساتھ شادی کے بندھن میں بندھ چکے ہیں اور اداکار کو فنکاروں سمیت مداحوں کی جانب سے مبارکباد دیے جانے کا سلسلہ جاری ہے۔
بالی وڈ کے نوبیاہتا جوڑے کو دیگر اداکاروں کی طرح مشہور عرصے سے شردھا کپور کے ساتھ منسلک کیے جانے والے سلیبرٹی فوٹوگرافر روہن شریشتا کی جانب سے بھی مبارکباد دی گئی۔
روہن نے ورون اور نتاشا دلال کو انسٹاگرام اسٹوریز کے ذریعے شادی کی مبارکباد دیتے ہوئے لکھا کہ آپ جانتے ہو آپ خوش قسمت انسان ہو۔
جس کے بعد ورون دھون نے روہن کی اسٹوری اپنے انسٹا اکاؤنٹ پر شیئر کرتے ہوئے لکھا کہ ’مجھے واقعی امید ہے کہ آپ تیار ہو ‘۔
ورون دھون کے فوٹوگرافر روہن کے لیے لکھے گئے معنی خیز جملے پر قیاس آرائیاں کی جارہی ہیں کہ روہن اور اداکارہ شردھا کپور بھی شادی کا ارادہ رکھتےہیں۔
واضح رہے کہ اس سے قبل شردھا کپور نے بھارتی میڈیا کو دیے گئے انٹرویو میں فوٹوگرافر روہن سے تعلقات کی خبروں کی تردید کی تھی اور کہا تھا کہ ’ابھی میرے پاس فلموں کے علاوہ کسی اور چیز کے بارے میں سوچنے کا وقت نہیں ہے‘
شردھا کی شادی کے حوالے سے بات کرتے ہوئے ان کے والد اور اداکار شکتی کپور کا کہنا تھا کہ ’وہ اپنی پسند کے لڑکےسے شادی کریں گی اور ہمیں اس پرکوئی اعتراض نہیں ہے’۔
مزید خبریں :
سدھو موسے والا کے والدین نے اپنے چھوٹے بیٹے کا چہرا دکھا دیا
08 نومبر ، 2024
وہ کریں جو آپ کی بیگم کہتی ہے: فلک شبیر کا شوہروں کو مشورہ
08 نومبر ، 2024
ارجن سے رشتہ ختم ہونے کے بعد ملائیکہ کی انسٹاگرام اسٹوری وائرل
08 نومبر ، 2024
