26 جنوری ، 2021 
پاکستان
5 سالہ بچے کی لینڈ کروزر چلانے کی ویڈیو وائرل
26 جنوری ، 2021
سوشل میڈیا پر 5 سالہ بچے کی لینڈ کروزر چلانے کی ویڈیو وائرل ہوگئی۔
ملک میں آئے روز ٹریفک حادثات میں سیکڑوں افراد جاں بحق ہوتے ہیں جبکہ ان حادثات کی ایک وجہ کم عمری میں گاڑی چلانا بھی ہے۔
سوشل میڈیا پر ایک ویڈیو تیزی سے وائرل ہورہی ہے جس میں 5 سالہ بچہ لینڈ کروزر چلا رہا ہے۔
ویڈیو میں یہ بھی دیکھا جاسکتا ہے کہ گاڑی میں بچے کے علاوہ کوئی بھی نہیں ہے اور وہ سڑکوں پر گاڑی دوڑائے جا رہا ہے۔
ویڈیو کے حوالے سے دعویٰ کیا جارہا ہے کہ یہ ویڈیو پنجاب کے شہر ملتان کی ہے تاہم اس کی تصدیق نہیں ہوسکی ہے۔
