27 جنوری ، 2021 
عمران اشرف نے مداح کے تبصرے کو اعزاز قرار دیدیا
27 جنوری ، 2021
پاکستان ڈرامہ انڈسٹری کے معروف اداکار عمران اشرف اپنی فنکارانہ صلاحیتوں کے سبب مداحوں کے دل میں ایک خاص مقام حاصل کرنے میں کامیاب رہے ہیں۔
یہی وجہ ہے کہ عمران اشرف کے مداح ان کی انڈسٹری میں قدم رکھنے سے لے کر آج تک ان کی تعریفیں کرتے اور ان کی صلاحیتوں کو تسلیم کرتے نظر آتے ہیں۔
اداکار عمران اشرف جہاں اپنی منفرد فنکارانہ صلاحیتوں کے باعث نئی نسل کے پسندیدہ فنکار ہیں وہیں بڑی عمر کے لوگ بھی انہیں بہت چاہتے ہیں۔
حال ہی میں ایک مداح کی جانب سے عمران اشرف کی انسٹا پوسٹ پر کمنٹ کیا گیا کہ ’’آپ میری امی کے پسندیدہ ہیں، آج میں نے اپنی امی سے پوچھا کہ آپ کو عمران اشرف کتنا پسند ہے تو انھوں نے جواب دیا کہ جتنی تم پسند ہو‘‘
عمران اشرف نے مداح کے تبصرے پر ردعمل کا اظہار کرتے ہوئے خوشی کا اظہار کیا اور جواب دیا کہ یہ کمنٹ نہیں ایوارڈ ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
