دلہا بنے ورون کی اپنی دلہن لیجانے کیلئے بائیک پر انٹری کی تصاویر وائرل

بالی وڈ اداکار ورون دھون نے اپنی شادی میں دلہن کو لینے کیلئے بائیک پر پہنچے۔

گزشتہ دنوں اداکار ورون دھون نے اپنی بچپن کی دوست و فیشن ڈیزائنر نتاشا دلال سے شادی کی ہے۔

دونوں کی شادی کی تقریب ممبئی کے علی باغ میں ہوئی جس میں قریبی دوستوں اور رشتے داروں نے شرکت کی۔

ورون دھون نے اپنی شادی میں دلہن کو لیجانے کیلئے بالکل فلمی انداز میں ’موٹر سائیکل‘ پر انٹری دی تھی جس کی تصاویر سوشل میڈیا پر وائرل ہورہی ہیں۔

ورون دھون نے دلہا کا لباس پہنے اپنی ’کواڈ بائیک‘ پر انٹری دی تھی جبکہ ان کے پیچھے بچے بیٹھے ہوئے تھے۔