28 جنوری ، 2021 
انٹرٹینمنٹ
وینا ملک نے شہرت متاثر کرنے پر سابق شوہر پر 100کروڑ روپے ہرجانے کا دعویٰ دائر کررکھا ہے— فوٹو: فائل
ہتک عزت کیس: وینا ملک کے سابق شوہر کو جواب جمع کرانے کی آخری مہلت
28 جنوری ، 2021
لاہور کی سیشن عدالت نے اداکارہ وینا ملک کی جانب سے ہتک عزت کے دعوے پر ان کے سابق شوہراسد خٹک کو جواب جمع کرانے کی آخری مہلت دے دی۔
وینا ملک نے شہرت متاثر کرنے پر سابق شوہر پر 100کروڑ روپے ہرجانے کا دعویٰ دائر کررکھا ہے۔
ایڈیشنل سیشن جج یاسرحیات باجوہ نےاداکارہ وینا ملک کے دعوے پر سماعت کی، وینا ملک نے مؤقف اختیار کیاہے کہ سابق شوہر اسدخٹک سے خلع لے رکھی ہے، بچوں کو عدالت نےان کے حوالے کیا، سابق شوہر میڈیا پرجھوٹے الزامات لگا کر شہرت متاثر کررہا ہے، استدعا ہے کہ اسد خٹک کو100 کروڑ روپے ہرجانہ ادا کرنے کا حکم دیا جائے۔
عدالت نے اسد خٹک کو جواب جمع کرانے کے لیےآخری مہلت دیتے ہوئے سماعت 3 فروری تک ملتوی کردی۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
