انٹرٹینمنٹ
29 جنوری ، 2021

پریش راول کا ساتھی اداکار کی موت پر افسوس کا اظہار

 اروند جوشی بالی وڈ اداکار شرمن جوشی کے والد تھے،فوٹو: فائل

بالی وڈ اداکار شرمن جوشی کے والد اور  سینیئر تھیٹر اداکار اروند جوشی 84 سال کی عمر میں چل بسے۔

بھارتی میڈیا کے مطابق اروند جوشی کا شمار گجراتی زبان کے معروف تھیٹر اداکاروں میں ہوتا ہے اور انہوں نے چند ایک بالی وڈ کی فلموں میں بھی کام کیا تھا۔

 ان کے انتقال پر  متعدد اداکاروں نے افسوس کا اظہار کرتے ہوئے اداکار شرمن جوشی سے تعزیت کی ہے۔

سینیئر بالی وڈ اداکار  پریش راول 'جو کہ خود بھی ان کے ساتھ تھیٹر میں کام کرچکے ہیں ' نے اروند جوشی کی وفات پر افسوس اور گہرے دکھ کا اظہار کرتے ہوئے اسے بھارتی تھیٹر کے لیے ناقابل تلافی نقصان قرار دیا ہے۔

اروند جوشی کے بیٹے شرمن جوشی  بھی بالی وڈ کا جانا پہچانا نام ہیں اور انہوں نے عامر خان کی معروف فلم 'تھری ایڈیٹس' میں  راجو کا کردار اداکیا تھا جسے کافی پسند کیا گیا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM