03 فروری ، 2021 
سینیٹ انتخابات کے بعد ایوان بالا میں بھی پی ٹی آئی سب سے بڑی جماعت ہوگی، وزیراعظم
03 فروری ، 2021
وزیراعظم عمران خان نے دعویٰ کیا ہے کہ تحریک انصاف حالیہ سینیٹ انتخابات کے بعد ایوان بالا میں بھی سب سے بڑی جماعت ہوگی۔
وزیراعظم عمران خان کی زیرصدارت تحریک انصاف کے پارلیمانی بورڈ کا اجلاس ہوا جس میں سینیٹ انتخابات کیلئے امیدواروں کے ناموں پر غور کیا گیا۔
ذرائع کے مطابق وزیراعظم کو سینیٹر بننے کے خواہشمند افراد کی فہرست پیش کی گئی۔
اس موقع پر وزیراعظم عمران خان کا کہنا تھا کہ سینیٹ کیلئے ٹکٹ میرٹ پر دیں گے، چاہتے ہیں سینیٹ انتخابات میں پیسہ نہ چلےجو ایوان میں پارٹی کیلئے بہتر ہوگا اسے سینیٹر بنائیں گے۔
وزیراعظم نے دعویٰ کیا کہ تحریک انصاف حالیہ انتخابات کے بعد ایوان بالا میں بھی سب سے بڑی جماعت ہوگی۔
خیال رہے کہ پاکستان کی موجودہ سینیٹ میں اپوزیشن کو عددی برتری حاصل ہے۔
