15 فروری ، 2021 
سینیٹ انتخابات: پی ٹی آئی سندھ کا فیصل واوڈا کو ٹکٹ دینے پر اعتراض، گورنر کو خط لکھ دیا
15 فروری ، 2021
تحریک انصاف سینٹرل سندھ ریجن کے عہدیداروں نے سینیٹ کے ٹکٹ کے معاملے پر شدید تحفظات کا اظہار کر دیا۔
حیدرآباد، سکھر اور نوابشاہ کے عہدیداروں نےگورنر سندھ عمران اسماعیل کو خط لکھ کر اپنی ناراضگی کا اظہار کیا۔
خط میں فیصل واوڈا اور ٹیکنو کریٹس سیٹ پر نامزد سیف ابڑو کو ٹکٹ دینے کے فیصلے کو غلط قرار دیا گیا۔
عہدیداروں کا مؤقف تھا کہ اگر فیصل واوڈا نااہل ہو گئے تو سیٹ خطرے میں آ جائے گی، ٹیکنو کریٹ سیٹ کے لیے نامزد سیف اللہ ابڑو پر کرپشن کے الزامات اور نیب کیسز ہیں۔
خط میں سینیٹ کی جنرل نشست اندرون سندھ سے تعلق رکھنے والے شخص کو دینےکا مطالبہ کیا گیا ہے۔ عہدیداروں نے خبردار کیا کہ فیصلے پر نظرثانی نہ کی گئی تو بلدیاتی انتخابات پر اثرانداز ہوں گے۔
دوسری جانب سندھ سے سینیٹ ٹکٹوں کی تقسیم کے معاملے پر وزیر خارجہ رات گئے کراچی پہنچ گئے ہیں جہاں وہ مقامی قیادت سے بھی ٹکٹوں کی تقسیم کے حوالے سے تبادلہ خیال کریں گے۔
مزید خبریں :
ملتان میں فضائی معیار آج بھی انتہائی مضر صحت
4 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
11 گھنٹے پہلے
