16 فروری ، 2021 
پی ایس ایل 6: ماہرہ خان تیسری بار پشاور زلمی کی برانڈ ایمبیسیڈر مقرر
16 فروری ، 2021
خوبرو اداکارہ ماہرہ خان کو پاکستان سپر لیگ (پی ایس ایل) کے چھٹے ایڈیشن میں ٹیم پشاور زلمی کا برانڈ ایمبیسیڈر مقرر کیا گیا ہے۔
پی ایس ایل 3 اور پی ایس ایل سیزن 4 کے بعد ماہرہ خان کو تیسری مرتبہ پشاور زلمی کا برانڈ ایمبیسڈر مقرر کیا گیا ہے۔
پی ایس ایل کے چھٹے سیزن پر پشاور زلمی کے چیف ایگزیکٹو آفیسر (سی ای او) جاوید آفریدی نے ٹوئٹر پر ماہرہ خان کو برانڈ ایمبیسیڈر مقرر کرنے کا اعلان کیا۔
جاوید آفریدی نے کہا کہ 'خوشی سے اعلان کرتا ہوں کہ پی ایس ایل 6 میں ٹیم پشاور زلمی کی برانڈ ایمبیسیڈر ماہرہ خان کو مقرر کیا گیا ہے'۔
خیال رہے کہ پی ایس ایل سیزن 4 میں پشاور زلمی کے مقبول اینتھم 'ہم زلمی' میں بھی ماہرہ خان جلوہ گر ہوئی تھیں۔
پاکستان سپر لیگ (پی ایس ایل) 6 کا آغاز 20 فروری کو کراچی کنگز اور کوئٹہ گلیڈی ایٹرز کے افتتاحی میچ سے ہوگا۔
پاکستان سپر لیگ کے چھٹے ایڈیشن کے گروپ میچز کے دوران 20 فیصد تماشائیوں کو اسٹیڈیم میں جا کر میچز دیکھنے کی اجازت دی گئی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
