19 فروری ، 2021 
پاکستان
فوٹو: فائل
زمینوں پر قبضے کا الزام: شہباز شریف اور مریم نواز کے وکلا بحث کیلیے طلب
19 فروری ، 2021
لاہور کی مقامی عدالت نے زمینوں پر قبضہ کرنے کے خلاف دائر درخواست پر شہباز شریف اور مریم نواز کے وکلا کو 18 مارچ کو بحث کے لیے طلب کر لیا۔
لاہور کے سول جج شیخ تقی نے شہباز شریف اور مریم نواز کے خلاف دائر درخواست پر سماعت وکلا کی ہڑتال کے باعث بغیر کارروائی کے ملتوی کردی۔
درخواست گزار کا مؤقف ہے کہ میاں شہباز شریف اور مریم نواز نے جاتی امرا کے گردونواح میں زمینوں پر قبضہ کر رکھا ہے اور لواحقین کو دباؤ ڈال کر زمینیں اپنے نام کروائی گئیں۔
درخواست گزار نے مؤقف اختیار کرتے ہوئے کہا کہ عدالت سے استدعا ہے کہ 400 کنال اراضی پر قبضہ فوری چھوڑنے کا حکم دیا جائے۔
