19 فروری ، 2021 
پاکستان ٹی ٹوئنٹی ورلڈ کپ بھارت سے منتقل کرنے کا مطالبہ کیوں کرے گا؟
19 فروری ، 2021
پاکستان کرکٹ بورڈ (پی سی بی) کے چیئرمین احسان مانی نے دوٹوک کہہ دیا ہے کہ اگر بھارت نے مطالبوں کی تحریری یقین دہانی نہ کرائی تو رواں برس بھارت میں ہونے والا ٹی ٹوئنٹی ورلڈ کپ متحدہ عرب امارات (یو اے ای) منتقل کرنے کا کہیں گے۔
احسان مانی نے میڈیا سے گفتگو میں کہا کہ انٹرنیشنل کرکٹ کونسل (آئی سی سی) سے کہا ہوا ہے کہ بھارت سے کھلاڑیوں ، آفیشلز ، فینز اور میڈیا کے ویزوں اور سیکیورٹی کی یقین دہانی لے کر دیں لیکن بھارت نے دسمبر سے لے کر اب تک اس بارے میں نہیں بتایا، اب مارچ تک بات چلی گئی ہے، اگر مارچ میں تحریری یقین دہانی نہ ملی تو پاکستان مطالبہ کرے گا کہ ٹی ٹوئنٹی ورلڈ کپ بھارت سے یو اے ای منتقل کر دیا جائے۔
احسان مانی نے کہا کہ حکومت نے ہمیں بھارت جانے سے کبھی منع نہیں کیا اب بھی ہم نے منع نہیں کیا لیکن ہمارا قانونی حق ہے کہ ہم گارنٹی مانگیں، بھارت کو گارنٹی دینا پڑے گی ورنہ ہم ایونٹ کی منتقلی کا مطالبہ کریں گے، بھارت کھیل خاص طور پر کرکٹ کو سیاست سے جوڑتا ہے کھیل کا سیاست سے تعلق صحت مندانہ نہیں۔
چیئرمین پی سی بی احسان مانی نے کہا کہ بھارت اگر آئی سی سی ٹیسٹ چیمپئن شپ کے فائنل کے لیے کوالیفائی کرتا ہے تو اس برس ایشیا کپ کا انعقاد ممکن نہیں ہوگا، ایشیا کپ جون میں شیڈول ہے اور میزبانی سری لنکا نے کرنی ہے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
