22 فروری ، 2021 
پاکستان
پی ٹی آئی کوڈھونڈنے سے بھی امیدوار نہیں ملیں گے، پی ڈی ایم نے پرویز خٹک کو اس کے گڑھ میں ہرادی، مانسہرہ میں جلسے سے خطاب— فوٹو: فائل
ملک میں بہت جلد نئے اور آزادانہ انتخابات ہوں گے، آفتاب شیرپاؤ کا دعویٰ
22 فروری ، 2021
قومی وطن پارٹی کے مرکزی چیئرمین آفتاب احمد خان شیرپاؤ نے کہا ہےکہ ملک میں بہت جلد نئے اور آزادانہ انتخابات ہوں گے، پی ٹی آئی کوڈھونڈنے سے بھی امیدوار نہیں ملیں گے۔
آفتاب شیرپاؤ کا مانسہرہ میں جلسے سے خطاب میں مزید کہنا تھا کہ پاکستان ڈیموکریٹک موومنٹ (پی ڈی ایم) نے پرویز خٹک کو اس کے گڑھ میں ہرادیا، حکومت اگر سینیٹ انتخابات اوپن بیلٹ سے کرانا چاہتی ہے تو چیئرمین سینٹ اور اسپیکر کے انتخابات بھی اوپن ہونے چاہئیں۔
