24 فروری ، 2021 
اداکارہ ثروت گیلانی ایک بار پھر تنقید کی زد میں آگئیں
24 فروری ، 2021
پاکستان فلم اور ڈرامہ انڈسٹری کی مقبول ترین اداکارہ ثروت گیلانی کو ایک بار پھر سوشل میڈیا صارفین کی جانب سے تنقید کا نشانہ بنایا جا رہا ہے۔
حال ہی میں کراچی میں دو روزہ فیشن پاکستان ویک (ایف پی ڈبلیو) 2021 کا انعقاد کیا گیا جس میں دوسرے روز اداکارہ ثروت گیلانی نے ڈیزائنر ماہین خان کا لباس پہنا ہوا تھا۔
اس دوران ثروت گیلانی کے گلے میں موجود لاکٹ سب کی توجہ کا مرکز بنا رہا اور اسی لاکٹ کی وجہ سے انہیں سوشل میڈیا پر تنقید کا نشانہ بنایا جا رہا ہے۔
ثروت گیلانی پر اس لاکٹ کے ڈیزائن کی وجہ سے تنقید کی جا رہی ہے کیونکہ یہ لاکٹ عیسائیوں کے مقدس سلیب کے نشان کا تھا۔
ایک صارف غلام فاطمہ نے ثروت گیلانی پر تنقید کرتے ہوئے کہا کہ ’دنیا میں اتنا اندھا مت بنو کہ دین کو بھلا دو‘۔
زی کے نامی صارف نے کہا کہ ’کراس کیوں پہنا ہے، مذہب اور فیشن میں فرق رکھو‘۔
ایک صارف نے لکھا کہ ’مجھے لاکٹ نہیں پسند آیا‘۔
احسن نے کہا کہ ’آپ نے کرسچن کا لاکٹ کیوں پہنا ہوا ہے‘۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
12 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
