Can't connect right now! retry

انٹرٹینمنٹ
26 فروری ، 2021

عروہ اور فرحان کی ایک ہی تقریب میں شرکت مگر دوری برقرار؟

فوٹو: انسٹاگرام 

طلاق کی خبریں سامنے آنے کے بعد پاکستان شوبز انڈسٹری کی مقبول ترین اداکار جوڑی عروہ اور فرحان سعید ہدایت کار قاسم علی مرید کی مہندی میں ایک ساتھ نظر آ گئے۔

چند ماہ قبل سوشل میڈیا پر افواہیں گردش کر رہی تھیں کہ اداکارہ عروہ اور فرحان سعید کے درمیان علیحدگی ہو گئی ہے تاہم اداکارہ عروہ حسین کے والد نے ان خبروں کو بے بنیاد قرار دیا تھا۔

ان خبروں کے سامنے آنے کے بعد اداکارہ عروہ اور فرحان سعید کی جانب سے کوئی بیان جاری نہیں کیا گیا تھا جب کہ دونوں ایک ساتھ بھی کہیں نظر نہیں آئے تھے۔

اب حال ہی میں ہدایت کار قاسم علی مرید خان کی مہندی کی تقریب منعقد ہوئی جس میں اداکارہ عروہ اور فرحان سعید کو بھی دیکھا گیا۔

مہندی  کی تقریب میں اداکارہ عروہ حسین کو کریم رنگ کے لہنگے میں ملبوس دیکھا گیا جب کہ اداکار فرحان سعید نے بھی ہاف وائٹ رنگ کے کُرتے کے ساتھ پرنس کوٹ پہنا ہوا تھا۔ 

تاہم تقریب میں عروہ اور فرحان دونوں نظر تو آئے لیکن ان دونوں کو کسی بھی تصویر میں ایک ساتھ نہیں دیکھا گیا۔

طلاق کی خبریں سامنے آنے کے بعد عروہ اور فرحان سعید کو ایک ہی تقریب میں دیکھنے کے بعد ان کے چاہنے والوں کی جانب سے ملے جلے ردِ عمل کا اظہار کیا جا رہا ہے۔

حیا مختار کہتی ہیں کہ ’دونوں کافی دور دور ہیں اور فرحان کافی بے چین لگ رہا ہے‘۔

ایک اور صارف کہتی ہیں کہ ‘دونوں ایک ساتھ نہیں ہیں، امید ہے کہ ان کے مسائل جلد حل ہو جائیں گے‘۔

سحر کہتی ہیں کہ ’میرا دل ٹوٹ گیا، اتنی پیاری جوڑی دونوں کی، نظر لگ گئی ہے لگتا ہے‘۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM