دنیا
Time 27 فروری ، 2021

ہیٹی میں جیل ٹوٹنےکا واقعہ، 25 افراد ہلاک اور 400 قیدی فرار

ہلاک ہونے والوں میں 6 قیدیوں سمیت جیل کا داروغہ بھی شامل ہے،فوٹو: انٹرنیٹ

کیریبیئن جزائرکے ملک ہیٹی میں جیل ٹوٹنےکے واقعے میں 25 افراد ہلاک اور 400 قیدی فرار ہوگئے۔

غیر ملکی خبر ایجنسی کے مطابق جیل ٹوٹنےکا پرتشدد واقعہ دار الحکومت پورٹ او پرنس کی مرکزی جیل میں گزشتہ روز پیش آیا جس کے دوران 400 قیدی فرار ہوگئے۔

حکام کے مطابق واقعے میں ہلاک ہونے والوں میں 6 قیدیوں سمیت جیل کا داروغہ (انچارج) بھی شامل ہے جب کہ بقیہ ہلاک ہونے والے افراد عام شہری ہیں جنہیں قیدیوں نے فرار ہوتے ہوئے قتل کیا۔

حکام کا کہنا ہےکہ جیل میں 1500کے قریب قیدی موجود تھے اور متعدد قیدیوں کو فرار ہوتے ہوئے گرفتار بھی کرلیا گیا ہے۔

مزید خبریں :