شوہر اور سسرالیوں پر تشددکا مقدمہ درج کرانے پر خاتون پر تیزاب پھینک دیا گیا

بہاولپور میں شوہر اور سسرالیوں پر تشدد کا مقدمہ درج کرانے والی خاتون پر تیزاب پھینک دیا گیا۔

 بہاولپور کی متاثرہ خاتون نے شوہر اور سسرالیوں پر تیزاب پھینکنے کا الزام عائد کیا ہے۔ 

پولیس کے مطابق  سکھیل میں شوہر اور سسرالیوں نےمبینہ طور پر خاتون پر تیزاب پھینک دیا،متاثرہ خاتون کو تحصیل ہیڈ کوارٹر اسپتال منتقل کردیا گیا ہے۔

متاثرہ خاتون کا کہنا ہے کہ اس نے شوہر اور سسرالیوں کے خلاف کچھ عرصہ قبل تشدد کا مقدمہ درج کرایا تھا، مقدمہ درج کرانے کی رنجش پر شوہر اور سسرالیوں نے تیزاب پھینکا۔

پولیس کا کہنا ہےکہ ملزمان کی گرفتاری کے لیے چھاپے  مارے جارہے ہیں۔