06 مارچ ، 2021 
سینیٹ کی ایک سیٹ نے اِس کٹھ پتلی نظام کو بے نقاب کردیا، بلاول
06 مارچ ، 2021
پاکستان پیپلزپارٹی کے چیئرمین بلاول بھٹو زرداری نے کہا ہے کہ سینیٹ کی ایک سیٹ نے اس کٹھ پتلی نظام کو بے نقاب کردیا ہے۔
پاکستان ڈیموکریٹک موومنٹ (پی ڈی ایم) کے ظہرانے سے خطاب میں بلاول کا کہنا تھاکہ اس وقت ملک میں ایک سلیکٹڈ کٹھ پتلی نظام چل رہا ہے جس نے میڈیا اور عدلیہ پر پابندیاں اور سیاسی انتقامی کارروائیوں کی نئی تاریخ رقم کی ہے۔
انہوں نے کہا کہ سینیٹ کی ایک سیٹ نے اس کٹھ پتلی نظام کو بے نقاب کردیا ہے، ہم نے ایک سیٹ جیت کر دکھایا ہے کہ وزیراعظم اکثریت کھوچکے ہیں، اب تو صدر پاکستان نے بھی مان لیا کہ عمران خان اکثریت کھوچکے ہیں۔
انہوں نے کہا کہ اب پی ڈی ایم فیصلہ کرے گی کہ وزیراعظم اور اسپیکر کب تک کرسی پر رہیں گے۔
بلاول کا کہنا تھاکہ گالی دینا، الزام لگانا تو سلیکٹڈ کی روایت ہے مگر اب یہ جتنا بھی رو پیٹ لیں، حقیقت یہ ہے کہ سید یوسف رضا گیلانی انتخاب جیت چکے ہیں۔
مزید خبریں :
پاکستان کی نامور مصنفہ بیپسی سدھوا انتقال کر گئیں
2 گھنٹے پہلے
