17 مارچ ، 2021 
ویمن فٹبال چیمپئن شپ، پاکستان آرمی نے مسلسل تیسری کامیابی حاصل کرلی
17 مارچ ، 2021
کراچی میں جاری قومی ویمن فٹبال چیمپئن شپ میں دفاعی چیمپئن پاکستان آرمی نے مسلسل تیسری کامیابی حاصل کرلی۔
کے ایم سی اسٹیڈیم پر صبح کے سیشن میں ہونے والے میچ میں دفاعی چیمپئن پاکستان آرمی نے ریاض کامل ایف سی کو0-9 سے ہرایا۔
فاتح ٹیم کی جانب سے رامین فرید اور ہاجرہ خان نے تین، تین گول کیےجبکہ ایشال فیاض، صوابیہ سرفراز اور رشائل نے ایک ایک گول اسکور کیا۔
کے پی ٹی گراؤنڈ پر جافا سوکر اکیڈمی نے ینگ رائزنگ اسٹارز کو 0-4 سے شکست دی۔ فاطمہ نے دو گول کیے جبکہ بسمہ اور کرن نے ایک ، ایک گول کیا۔
دن کے وقت کے ایم سی گراؤنڈ پر ہونے والے میچ میں محسن گیلانی ایف سی نے ایم یو کے کلب کو 0-5 سے ہرایا۔ عائشہ شفیق نے دو جبکہ شانزے اور اریشا نے ایک، ایک گول کیا۔
تجربہ کار دیا ویمن فٹبال کلب نے نواں شہر یونائٹیڈ کو 0-9 سے ہرایا۔ رخسار راشد نے تین گول کیے جبکہ زنیرہ شاہ نے دو، کرن قریشی، عالیہ اور شمائلہ نے ایک، ایک گول اسکور کیا۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
