کیا وجہ ہے پوری بلوچستان اسمبلی ایک ہی رات میں وفاداری تبدیل کر دیتی ہے: مصطفیٰ کمال

پاک سر زمین پارٹی کے سربراہ مصطفیٰ کمال کا کہنا ہے کیا وجہ ہے کہ پوری بلوچستان اسمبلی ایک ہی رات میں وفاداری تبدیل کر دیتی ہے۔

کوئٹہ میں جلسہ عام سے خطاب کرتے ہوئے مصطفیٰ کمال کا کہنا تھا بلوچستان کے عوام تو مجبور ہیں لیکن ریاست کو چلانے والے تو مجبور نہیں، ضمیر فروشی کا بوجھ ریاست پر ڈال دیا جاتا ہے۔

مصطفیٰ کمال کا کہنا تھا بلوچستان کے غریب عوام سے ڈیل کریں، انہیں وسائل دیے جائیں اور بلوچستان کے لوگوں کو حق حکمرانی دیا جائے۔